Liber I, Distinctio 7 [Penn Transcription]

Queritur utrum in patre sit potentia generandi Responsio sic quia aliquid perfectionis et nobilitatis dicit scilicet potentiam ad coniei communicationem naturae per actum naturae coniuncta tamen semper est suo actui quia inperfecta esse non potest

Utrum sit in patre potentia generandi plures filios Responsio non quia unum perfectum generavit et de tota substantia sua quorum opposita sunt in patre carnali praecipue autem quia ille filius in nullo differt ab isto quia sola relatio ibi distinguit

Quid sit illa potentia an sit quid vel aliquid Responsio quamvis quidam dicunt dicant quod ipsa potentia in radice essentialis sit secundum inclinationem ad actum personalis quidam autem quod solum personalis cum dicat rationem originis personae verius tamen dicendum est quod potentia pertinet ad essentia generandi ad relationem unde ipsum coniunctum est essentiale tactum ad personam ut cum dicitur deus generans

utrum potentia generandi sit in filio Responsio hoc gerundium generandi potest esse gerundium verbi activi vel passivi vel temporalis pro modo est in solo patre secundo modo in solo filio tertio modo in patre et filio et spiritu sancto

Utrum filius possit generare Responsio non nec hoc est ex impotentia sed proprietate relationis quae sola distinguit in divinis

Utrum eadem sit potentia creandi et generandi Responsio potentia est medium inter essentiam et operationem secundum rationem intelligendi ex parte igitur essentiae eadem est ex parte operationum habet distinctionem exemplum de potentia lucendi illuminandi etc in sole

Utrum dicatur univoce vel aequivoce nomen potentiae de utraque Responsio per comparationem ad essentiam univoce dicitur quia una est in radice per comparationem ad actum duae et analogice non aequivoce dicitur nam aliquid generale habet scilicet communem modum procedendi et per prius dicitur de aeterna productione per posterius de temporali quia potentia idem aeterni actus prior est quam idem temporalis saltem secundum modum intelligendi

utrum potentia generandi includatur in omni potentiaomnipotentia dei Responsio Si omnis facit distributionem acomodamaccommodam ut Ioannes 1 "omnia per ipsum facta sunt" sic non includitur Si autem facit naturalem ut cum dividitur omne ens in temporale et aeternum sic includitur non tamen per comparationem ad eundem actum