Liber I, Distinctio 8 [Penn Transcription]

uaeritur utrum esse sit deo proprium Responsio proprium dicitur vel quod non habetur cum alio et sic esse non est deo proprium vel quod non habetur ab alio ut peccatum dicitur proprium et sic esse est deo proprium vel dicit quod si accipiatur esse secundum perfectam rationem sic soli deo convenit exodus "qui est misit me" etc et Ieromus in littera quod solus deus vere essentia nomen tenuit quia solus habet esse non contractum et per immixtum potentia et non participant alia autem inperfectuminperfecte quia habent secundum horum opposita

utrum esse dei sit esse omnium creaturarum Responsio dyonysius de divinis nominibus "Esse omnium supersubstantialis divinitas" et hoc verum est effective sive causaliter non essentialiter sive formaliter

Utrum veritas sit propria soli deo Responsio Sic Ieromus in littera et hoc intellige secundum quod veritas opponitur permixtioni ut dicitur verum aurum quia omnia alia permixta sunt potentia Sed secundum quo opponitur falsitati sic convenit aliis supra quaestionem 1

Utrum una sola sit veritas in omnibus veris Responsio tantum una est efficiens et exemplaris de qua anselmus in littera de t?? sicut unum est tempus omnium temporalium sic una est vertas omnium verum Sed non una est una comparata ad subiectum quod informat similiter nec secundum quod comparatur ad intellectum quem excitat et illuminat immo plures

Quid sit aeternitas Responsio mensura est durationis divini esse quaelibet secundum rem non differat ab eo tamen differt secundum modum intelligendi quae diffinitur a boethio tamen differet secundum modum intelligendi quae diffinitur a boethio sic in libro de consolatione "Aeternitas est interminabilis vitae tota simul et perfecta possessio" prima duo se habent loco mensurati scilicet vitae et possessio esse autem dei dicitur vita propter actualitatem p?anum Interminabilis propter infinitatem modus mensurandi in tribus consistit per quem ab aliis durationibus distinguitur Possessio dicitur divina duratio id est quieta mansio contra ea quae variantur secundum esse et operari nec temporalia corruptibilia tota simul contra ea quae variantur secundum vicissitudines operationum licet non secundum esse ut angeli perfecta contra ea quae licet stent in toto et in parte ut principia disciplinarum tamen non perfecte quia cum potentia deficiendi quia ex nihil sunt

utrum idem sit re nunc temporis aevi aeternitatis Responsio non sed essentialiter differunt sicut et ipsa quia nunc est de substantia mensurae cuius est

Utrum solum nunc praesens vere dicatur de deo Responsio secundum augustinum super Ioannem 1 c hoc verbum est dupliciter accipitur aliquando enim temporales ut alia verba demonstrat et sic non dicitur de deo unde dionysius de divinis nominibus Deus nec est nec erit nec erat Aliquando significat substantiam uniuscumque rei sic dicitur de deo illa autem substantia per d?s d temporum potest significari dicitur de deo ut dictum est aut ut stans cum ipsis sic secundum augustinum in littera omnes dicunt de deo scilicet est fuit erit In hiis tamen differentiis praesens magis convenit deo quia magis assimilatur aeternitati propter praesentialitatem unde Ieromus in littera deus tantum est qui non novit fuisse vel futurum esse

utrum aeternitas sit proprietas solius dei Responsio Aeternum aliquando accipitur proprie sicut supra diffinitum est secundum scilicet quod caret principio fine variabilitate et successione in partibus et sic soli deo convenit large autem scilicet secundum aliquas harum conditionum etiam aliis convenit

Utrum deus sit omnino immutabilis Responsio sic quia est purus actus nihil habens admixtum de potentia

Utrum omnis creatura sit inmutabilis Responsio Si dicitur mutabile a neccessitatenecessitate mutationis sic non omnis creatura est mutabiliter Si autem a possibilitate sic dicitur vel a possibilitate propinqua scilicet supposito ordine universi et influentia causae primae sic iterum non omnis vel appossibilitate remota scilicet subtracta influentia causae primae sic omnis est mutabilis

Utrum in deo sit summa simplicitas Responsio sic secundum augustinum in littera quia ex partibus non componitur nec alterum sibi componitur omnia enim hoc aliquid potentiae habet habent

utrum deus sit in praedicamento substantiae Responsio non immo in nullo praedicamento quia omne tale est compositum dicitur tamen substantia in quantum substantia dicit quid per se subsistens non dependens ab alio non autem in quantum dicitur a substando unde augustinus in littera quidem abusive dicitur substantia

utrum alia praedicamenta a substantia praedicentur de deo Responsio Secundum gregoius tantum duo praedicata dicuntur de deo secundum boetium et augustinum scilicet substantia et relatio quia non dicunt aliquid imperfectionis quia patet de substantia relatio etiam dicit relatum ad aliud alia autem praedicata dicunt dependentiam ad subiectum quaedam tamen illorum secundum speciem dicunt de deo licet non secundum augustinum gregorium scilicet quae in specie dicunt aliquam perfectionem ut iustitia fortitudo etc non tamen sunt species illorum praedicatorum secundum quod dicuntur de deo

utrum aliqua creatura sit simplex Responsio solus deus est pure simplex ut dictum est aliae autem quaedam creaturae simplices dicuntur in suo genere vel respectu magis compositorum licet omnes ad minus duas habeant compositiones scilicet alicuius additi super ens compositae et relationis ad suam causam

utrum anima sit simplex Responsio duplex est opinio circa compositionem animae quidam dicunt eum compositam ex materia spirituali et forma ut dicit avicebron eo quod habet proprietates materiae ut recipere alii dicunt compositam ex quod est id est quantitate et esse scilicet actuali Sed dicit quod est composita compositione prioris formae et sequentis id est determinatis cum determinata ut esse vivere sentire et intelligere

utrum anima tota sit in qualibet parte corporis Responsio anima secundum essentiam simplex est et sic est forma corporis et totius aequaliter et partium aequaliter et sic est in toto corpore tota et in qualibet parte hoc augustinus in littera secundum potentias autem multiplex est et per has est motor corporis et sic non est in qualibet parte tota sed secundum diversas potentias in diversis partibus Secundum tamen intentionem aristotelis magis videtur dicendum quod secundum essentiam tantum sit in corde et inde vitam effluit vitam in totum corpus