I, P. 1, Inq. 1, Tract. 3, Q. 3, M. 4, Praeambulum

Consequenter quaeritur de oppositione mali ad bonum. Circa quod quaeruntur plura: Primo, an increato bono opponatur malum; secundo, quomodo opponitur malum bono creato gratiae et naturae; tertio, quomodo malum habeat subsistentiam in bono naturae; quarto, de corruptione boni per malum, an sit finita; quinto, an malum sit corruptivum habilitatum naturalium; sexto, an sit corruptivum modi, speciei et ordinis; septimo, an unico malo vel triplici sit corruptio vel diminutio modi, speciei et ordinis; octavo, de differentia corruptionis quae est per veniale et mortale. De oppositione vero mali et boni in genere dicetur infra, cum ad moralia descendemus.