I, P. 1, Inq. 1, Tract. 3, Q. 3, Praeambulum

Illustrante gratia Christi, post inquisitiones de unitate et veritate divina inquirendum est de bonitate. Et ad intelligentiam faciliorem et perfectiorem inquirenda sunt haec: I. 1. Quid bonum secundum rationem suae intentionis; 2. an una sola sit bonitas in bonis, quae est summa; 3. quae sint differentiae bonitatis et boni; 4. quae convenientia bonitatis in bonis. II. De summo bono: 1. An notio et amor eius sint nobis impressa; . an summum bonum dicat additionem ad bonum; si summum bonum compatitur secum diversitatem; si compatitur secum pluralitatem; si exigit coexistentiam aliorum bonorum; de fluxu aliorum bonorum et summo bono. III. 1. Secundum quae discernatur et determinetur bonitas in bonis, scilicet de modo, specie et ordine; 2. si bonum creatum est bonum per essentiam aut per participationem; 3. si aliquod bonum sit immutabiliter bonum; 4. de effectu boni; 5. de bono universitatis. IV. De oppositione mali ad bonum.