I, P. 1, Inq. 1, Tract. 4, Q. 4, c. 3

Tertio quaeritur utrum a Deo fluxerit omnis potentia praesidendi.

Circa quod sic obicitur: 1. Dominium et servitus convertuntur, quia correlativa sunt; sed servitus habet originem ex peccato; ergo et dominatio. — Probatio mediae: Augustinus, XIX De civitate Dei: "Nullusnatura, in qua Deus hominem condidit, servus est hominis aut peccati, sed principium servitutis peccatum est".

2. Item, ibidem: "Conditio servitutis iureintelligitur in potentia peccatorum".

Contra: a. Rom. l3,1: "Omnis potestas a Deo" ; sed potestas est dominium; ergo est a Deo.

Solutio: Dominium et servitus in effectu ex peccato sunt tamquam ex causa meritoria; potestas vero dominandi a Deo est tamquam a causa conferente. Unde non est inconveniens idem habere diversa principia diversis respectibus; sed de hoc plenius inquiretur in Tractatu de legibus et praeceptis.