I, P. 1, Inq. 1, Tract. 4, Q. 4, Praeambulum

Consequenter restat quaerendum de derivatione potentiarum creatarum a potentia prima, et sub quadam brevitate: nam ista requirunt in suis locis propriam inquisitionem. Quaeruntur ergo haec: Primo, utrum ex divina potentia fluxerit potentia patiendi sive susceptiva ; secundo, utrum a divina potentia fluxerit omnis potentia agendi; tertio, utrum a Deo fluxerit omnis potentia praesidendi; quarto, incidenter quaeritur de potentia praesidendi quae est angeli ad angelum; quinto, de potentia praesidendi quae est hominis ad animalia; sexto, de potentia quae est creaturae corporeae super incorpoream. Et haec amplius discutientur in suis locis.