I, P. 1, Inq. 1, Tract. 5, Sect. 1, Q. 1, M. 4, Praeambulum

Consequenter quaerendum est de modo scientiae Dei, quomodo scit. Et cum cognoscat res in se ipso et per se ipsum, quaeritur quomodo res sint in Deo; ratione cuius quaeritur:

De ideis rerum et rationibus secundum quas dicuntur esse in Dei sapientia; secundo, cum mala non habeant esse in Deo, quomodo cognoscuntur a Deo; tertio, quomodo omnia praesenter scit; quarto, quomodo scit omnia simul; quinto, quomodo scit omnia perfecte; sexto, quomodo scit omnia immutabiliter.