I, P. 1, Inq. 1, Tract. 6, Q. 1, Praeambulum

Expeditis per Dei gratiam quaestionibus de potentia et scientia Dei, restat cum Dei adiutorio inquirere de voluntate, quod est ultimum in inquisitione, huius partis. Erit autem inquisitionis talis modus: Primo, de intentione divinae voluntatis; secundo, de quidditate divinae voluntatis; tertio, de differentiis divinae voluntatis; quarto, de subiectis divinae voluntatis; quinto, de impletione divinae voluntatis; sexto, de conformatione voluntatis creatae ad divinam voluntatem.

Quantum ad primum quaeruntur plura: Primo, utrum intentio voluntatis conveniat Deo; secundo, quid sit secundum rationem dicendi; tertio, quae. sit comparatio intentionis voluntatis ad intentiones potentiae et scientiae secundum extensionem et ordinem.