I, P. 1, Inq. 1, Tract. 6, Q. 2, Praeambulum

Consequenter quaeritur de causalitate divinae voluntatis. Nam dicit Augustinus, in III De Trinitate: "Voluntas Dei est prima et summa causa omnium specierum et motionum" ; et subditur: "Haec igitur est unde ortum habet quidquid est, et ipsa non est orta". Circa quam quaeruntur tria: Primo, quare magis definiatur divina voluntas per causam quam potentia vel sapientia; secundo, Cuiusmodi causa sit; tertio, si habeat rationem.