I, P. 2, Inq. 2, Tract. 3, Sect. 1, Q. 1, M. 5, Praeambulum

Consequenter quaeritur de comparatione notionum. Comparantur autem ad personam et ad essentiam et ad se invicem; item, comparantur ad attributa substantive et adiective; item, comparantur secundum praedicationem et secundum determinationem. Ad quorum declarationem quaeruntur ista: Primo, an notiones sint personae; secundo, an sint essentia; tertio, an sint in essentia; quarto, an adiectiva essentialia dicantur de notionibus; quinto, an adiectiva notionalia, quae dicuntur de personis, dicantur de notionibus; sexto, de comparatione in assignatione notionum differenti.