I, P. 2, Inq. 2, Tract. 3, Sect. 2, Q. 1, Tit. 2, Praeambulum
I, P. 2, Inq. 2, Tract. 3, S. 2, Q. 1, T. 2, Praeambulum
DE COMMUNI SPIRATIONE.
Consequentia ordinis requirit ut praetermissa inquisitione de nominibus paternitatis, filiationis, processionis, quae patent ex praedictis, Tractatu De nominibus, propriis personarum, quaerendum est de notione communi secundum quam Pater et Filius spirant Spiritum Sanctum, ratione cuius Pater dicitur principium Spiritus Sancti, similiter et Filius. Ad faciliorem vero intelligentiam erit inquisitionis hic modus: Primo, de intentione principii dicta in divinis multipliciter inquiremus ; secundo, de intentione principii dicta essentialiter; tertio, de intentione principii dicta notionaliter.
