Ia-IIae, Inq. 1, Tract. 2, Q. 2, T. 3, Praeambulum

Procedendum est ad quaestionem de mutabilitate. In qua Primo quaerendum est utrum mutatio dicatur aequivoce an univoce de primo exitu in esse de non-esse, qui dicitur creatio, et de exitu consequenti, qui dicitur conditio, prout res exit de potentia in actum ; secundo, utrum omnis creatura sit mutabilis aut quaedam mutabilis, quaedam immutabilis; tertio, utrum creatura sit mutabilis in non-esse omnino de esse sicut de non-esse in esse; quarto, utrum Deus posset conferre creaturae omnimodam immutabilitatem, videlicet ut esset immutabilis secundum naturam.