Ia-IIae, Inq. 1, Tract. 2, Q. 5, Praeambulum

Completis conditionibus quae pertinent ad creaturam ex parte quantitatis et ex parte qualitatis et ordinis, quae pertinent ad relationem, sequitur de perfectione ipsarum creaturarum in universo. Ratione cuius quaeritur: Primo, cum perfectum dicatur multis modis, secundum quem modum dicatur universum perfectum; secundo, si perfectio universi est tantum in bonis an etiam in malis; tertio, si perfectio est in bonis, utrum aliquibus bonis deficientibus sit perfectio; quarto, in quo consistat perfectio universi, videlicet utrum illud sit anima mundi; quinto, utrum perfectio attendatur respectu rerum in genere vel in specie an etiam in individuis; sexto, utrum quodlibet quod est in mundo dicatur imperfectum respectu illius perfectionis.