Ia-IIae, Inq. 4, Tract. 2, S. 2, Q. 1, T. 1, M. 1, Praeambulum

Circa conditiones illas corporis, quae quidem respiciunt unitatem, tria principaliter quaeruntur: Primum est si congruebat ex uno corpore in specie humana propagare omnia hominum corpora; secundum est si hoc decebat fieri propter causam mutuae dilectionis ; tertium est si propter hanc unitatem est maxima dilectio inter individua speciei humanae plus quam inter individua aliarum specierum.