Ia-IIae, Inq. 4, Tract. 2, S. 2, Q. 1, T. 1, M. 3, Praeambulum

Quaeritur de dignitate et nobilitate corporis humani. Et quoniam haec nobilitas est quoad quatuor, scilicet quoad compositionem, quoad habitus exterioris dispositionem, quoad unionem, quoad locationem, ideo de iis quaeritur: Primo, de compositione corporis humani; secundo, de dispositione quoad rectitudinem habitus; tertio, de unione quoad animam rationalem; quarto, de loco eius.