Ia-IIae, Inq. 4, Tract. 3, Q. 3, T. 1, Praeambulum

Determinato de primo homine quantum ad passibilitatemd naturae et etiam quantum ad prolis propagationem, sequitur determinare de ipso quantum ad adiutorium gratiae: Primo, de gratia in conditione data; secundo, de gratia superaddita. De primo quaeruntur tria: Primum est utrum primus homo conditus fuit in gratia et virtutibus aut in solis naturalibus; secundum, utrum potuit stare ex accepto in sui conditione; tertium, utrum ex accepto potuit proficere.