IIa-IIae, Inq. 1, Tract. 3, Q. 2, M. 2, Praeambulum

Dicto de malo ex circumstantia in communi, dicendum est de malo ex circumstantia in particulari. Sed duplex est consideratio: uno modo secundum quod singulae circumstantiae dicuntur aggravare vel minuere peccatum, et secundum hunc modum agetur infra, cum fiet Tractatus de conditionibus peccati actualis ; alio modo est agere de iis, secundum quod faciunt ad malum ex circumstantia, et per hunc modum hic agendum est.