IIa-IIae, Inq. 3, Tract. 1, S. 1, Q. 2, M. 1, C. 5

Quinto quaeritur utrum sit necessitas ad primos motus.

Quod videtur, 1. per hoc quod dicitur super illud ad Rom. 6, 13: "Nec exhibeatis membra vestra", Glossa: "Hic nonprohibet concupiscentiam quae est in primo motu, quia non est in potestate nostra quin surgat".

2. Item, super illud ad Ephes. 4, 26: "Irascimini et nolite peccare", Glossa: "Invitus toleroquod vitari non potest. Si ergo surgitmotus animi, qui iam propter poenam peccati non est inpotestate nostra, saltem non ei consentiatratio". Ergo necessitas est ad primos motus.

Contra. a. Quod necessitatis est, non imputandum est in peccatum nisi ipse homo causa sit illius necessitatis, sicut est in peccato consuetudinis; sed ipse homo qui peccat non est causa necessitatis ad veniales motus.

[Solutio]: Ad quod dicendum quod uno modo est necessitas ad primos motus et alio modo non. Non enim est necessitas ad hunc primum motum vel illum, licet sit necessitas ad aliquem, manente corruptione in sua causalitate: posset enim manere corruptio, sed tolli causalitas ex virtute gratiae.