IIa-IIae, Inq. 3, Tract. 3, S. 2, Q. 9, Praeambulum

Dictum est de contumelia sive convitio, in quo manifeste improperatur malum; consequenter dicendum est de detractione, in qua occulte improperatur malum. Circa quam primo quaerendum est quid sit detractio et quot sint eius differentiae secundo, an possit aliquis revelare malum alterius occulte sine peccato; tertio, cum detractio sit peccatum, utrum sit mortale tantum; quarto, an sit generale peccatum, licet maxime peccent subditi hoc genere peccati; quinto, de peccato consentientis sive audientis detractionem; sexto, quod tenetur detractor ad restitutionem; septimo, de comparatione huius peccati; octavo, de effectu peccati huius; nono, de remedio huius peccati; decimo, quod tollenda est occasio peccati huius; undecimo, de poena huius peccati.