IIa-IIae, Inq. 3, Tract. 4, S. 2, Q. 1, T. 3, Praeambulum

Consequenter dicendum est de peccato irae. Circa quam plura sunt quaerenda: Et primo quaeritur quid sit ira secundum rationem; secundo, utrum irasci sit malum secundum se; tertio, utrum sit aliqua quatuor passionum vel perturbationum, quas ponit Augustinus et Tullius ; quarto, quaeritur de motivo huius peccati; quinto, quaeritur an sit peccatum; sexto, an sit capitale vitium; septimo, de comparatione eius ad invidiam; octavo, an sint ibi istae differentiae peccati: veniale, mortale; nono, de quantitate istius peccati in se et in comparatione; decimo, an sit causa omnium malorum; undecimo, de eius opposito; duodecimo, de poena huius peccati.