IIa-IIae, Inq. 3, Tract. 4, S. 2, Q. 1, T. 4, Praeambulum

Consequenter dicendum est de acidia. Circa quam plura incidunt dubitabilia. Primum est de ratione ipsius nominis, unde trahitur; secundum est de ratione ipsius, quid sit secundum rem; tertium, in quo genere sit; quartum, de causa istius peccati et radice; quintum, an sit capitale vitium; sextum, de eius opposito, quid sit illud; septimum, de comparatione acidiae ad invidiam; octavum, de magnitudine huius peccati; nonum, quare acidia ponitur peccatum penes superfluitatem et non penes diminutionem; decimum, contra quod praeceptum Decalogi sit; undecimum, de eius effectu.