IIa-IIae, Inq. 3, Tract. 4, S. 2, Q. 1, T. 5, Praeambulum

Quaestio est de avaritia. Primo quaeritur quid sit; secundo, an diligere temporalia sit bonum secundum se an malum vel indifferens; tertio, quid sit inclinativum ex parte nostra ad illicitum amorem temporalium; quarto, quare dicatur concupiscentia oculorum, cum non tantum contingat peccare secundum visum in illo genere peccati; quinto, an sit capitale peccatum; sexto, an sit spirituale vel carnale; septimo, de aliis peccatis, quae sunt circa amorem temporalium, utrum sub avaritia contineantur; octavo, de opposito avaritiae; nono, de magnitudine huius peccati et comparatione; decimo, de casibus circa hoc peccatum; undecimo, de effectu huius peccati.