IIa-IIae, Inq. 3, Tract. 4, S. 2, Q. 1, T. 6, D. 2, Praeambulum

Consequenter dicendum est de ebrietate. Et primo quaeritur quid sit ebrietas; secundo, an omnis ebrietas sit mortale peccatum; tertio, an peccet mortaliter inebrians alium; quarto, utrum eaedem sunt conditiones ebrietatis vel consimiles cuiusmodi dicebantur gulae; quinto, de magnitudine huius peccati; sexto, de aggravatione eius secundum conditionem personarum; septimo, de effectu huius peccati, qui est servitus; octavo, de cognatione huius peccati ; nono, de prohibitione huius peccati; decimo, de poena huius peccati ; undecimo, utrum hoc peccatum fuerit ante diluvium.