IIa-IIae, Inq. 3, Tract. 5, S. 2, Q. 2, Praeambulum

Cum iam dictum sit de peccato quod est ex infirmitate secundum se et secundum differentias magis usitatas, consequenter dicendum est de peccato quod est ex ignorantia sive per ignorantiam.

Circa quod primo quaeritur utrum actus malus per ignorantiam perpetratus sit peccatum; secundo, utrum actus malus, qui fit per ebrietatem vel furorem vel per pueritiam, dicatur peccatum per ignorantiam; tertio, utrum actus malus per ignorantiam iuris perpetratus sit peccatum; quarto, utrum actus per ignorantiam tacti sit peccatum vel non ; quinto, utrum actus per ignorantiam liget ad poenam, licet non ad culpam; sexto, de quibusdam casibus qui fiunt per ignorantiam.