IIa-IIae, Inq. 3, Tract. 5, S. 2, Q. 3, Praeambulum

Dictum est supra de peccato ex infirmitate et ex ignorantia, consequenter dicendum est de peccato quod est ex industria, quod dicitur peccatum in Spiritum Sanctum, sicut peccatum ex infirmitate dicitur peccatum in Patrem, peccatum ex ignorantia dicitur esset peccatum in Filium. Et primo quaeritur quid sit peccatum in Spiritum Sanctum; secundo, utrum idem sit peccatum in Spiritum Sanctum quod "peccatum ad mortem" ; tertio, quot sint differentiae peccati in Spiritum Sanctum; quarto, utrum omne peccatum possit dici per aliquam additionem peccatum in Spiritum Sanctum; quinto, cui gratiae per se et primo opponatur; sexto, quare peccatum in Spiritum Sanctum dicatur irremissibile.