IIa-IIae, Inq. 3, Tract. 8, S. 1, Q. 1, T. 2, M. 2, Praeambulum

Deinde quaeritur de conversatione quae fit Christianorum cum Iudaeis et paganis. Et primo quaeritur utrum Ecclesia iudicare debeat ipsos infideles aut non pertineat ad eam iudicare; secundo, utrum Iudaei vel pagani possint praeesse Christianis vel non; tertio, utrum compellendi sint solvere decimas praediales vel alia quae solent solvere Christiani, habitantes in domibus vel commorantes in terris, quae sunt infra limites alicuius ecclesiae; quarto, utrum Christiani possint habere mancipium Iudaeum vel paganum, et si habendo peccent.