III, P. 1, Inq. 1, T. 2, Q. 1, M. 1, C. 4

Consequenter quaeritur de hoc quod dicitur: "Factum sub Lege" etc.

1. In Psalmo 1, 2 super illum locum: "Et in Lege Domini" etc., dicit Augustinus: "Aliud estesse sub lege et aliudin lege. Qui est in lege, secundum legem agit", voluntarie obediens legi; "qui autem est sub lege, secundum legem agitur", necessitatis timore coactus. Sed in Christo nulla potuit esse coactio.

2. Item, "Iusto non est Lex posita", I ad Tim. 1, 9; non est igitur Christus sub Lege.

3. Item dicit: "Ut redimeret eos qui sub Lege erant" ; ergo si ipse erat sub Lege, ipse erat redempturus se.

Responsio: 1. Esse sub lege dicitur duobus modis: est enim subiectio voluntaria et est subiectio necessitatis. Primo modo, secundum primam fuit sub lege, sed secundum secundam subiectionem non. Unde Glossa, Gal. 4, 5: " "Sub Lege", id est sub onere Legis, sicut sub aliis poenis: non ut ab ea expiaretur, sed ut ab ea liberaret". Unde "factus sub Lege", dicit Glossa: "Ut circumcisus appareat quasi filius Abrahae, signum habens eius cui promissus fuerat, in quo impleta est circumcisio, et itasignum iam cessat".

2. Ad illud quod obicitur quod iusto non est Lex posita, dicendum quod hoc dicitur quia quod iustus agit, non agit timore, sed amore: Legis autem et Evangelii, sicut dicit Augustinus, Contra Adimantum, "est brevissimadifferentia, timor et amor".

3. Ad aliud quod arguit: " "Ut eosqui sub Lege erunt redimeret", ergo redempturus se", non sequitur. Nam alio modo dicitur Christus sub Lege, aliter redempturi ab ipso.