III, P. 1, Inq. 1, T. 2, Q. 1, M. 1, Praeambulum

Quaeritur ergo de tempore incarnationis. Et primo quaerendum esset de dilatione incarnationis, quare per tanta tempora dilata est; sed haec quaestio determinatur convenienter in inquisitione Moralium, de tempore lationis Evangelii. Quantum ad praesens ad primum notandum est verbum Apostoli, ad Gal. 4, 4-5: "Atubi venit plenitudo temporis, misit Deus Filium suum factum de muliere, factum sub Lege, ut illos, qui sub Lege erant, redimeret" etc. Circa hanc auctoritatem Apostoli sunt quatuor dubitationes: Prima est de plenitudine temporis; secunda de missione, qua dicitur: "Misit Deus Filium suum" ; tertia de hoc quod dicitur: "Factum de muliere" ; quarta de hoc quod dicitur: "Factum sub lege".