III, P. 1, Inq. 1, T. 2, Q. 1, Praeambulum

Expeditis cum adiutorio Christi quaestionibus pertinentibus ad mysterium incarnationis Filii Dei, consequenter cum omni reverentia quaerendum est de sacramentis conceptionis et nativitatis, quae ei conveniunt ratione assumptae carnis. Et primo de conceptione, circa quam quaeruntur haec: Primo, de tempore conceptionis; secundo, de ordine conceptionis; tertio, de principiis et ratione conceptionis; quarto, de sanctitate conceptionis; quinto, de perfectione dominici corporis.