III, P. 1, Inq. 1, T. 3, Q. 1, Praeambulum

Consequenter Inquirendum est de gratia Christi. Haec enim quaestio praeambula est ad ceteras, quae sunt de potestate scientia, voluntate et merito Domini Salvatoris. Quaerendum est ergo generaliter: Primo, an in Christo ponenda sit gratia quae dicitur unionis; secundo, an in Christo ponenda sit gratia secundum quam est caput; tertio, an in Christo ponenda sit gratia absoluta, ut consideratur ut quidam homo singularis. Deinde in speciali de istis gratiis est! quaerendum.