III, P. 1, Inq. 1, T. 8, M. 1, Praeambulum

Quantum ad primum nota quod secundum Matthaeum 24, 7—31 a Salvatore ponuntur multa genera signorum prae-ambula adventum iudicis. Quaedam remota, ut de diversis generibus tribulationum: "Surget gens contra gentem et regnum adversusregnum" etc.; "Oportet haec fieri, sed nondum finis". Quaedam vero propinqua, ut adventus Antichristi et suorum; unde ibi dicitur: "Cum videritis abominationem desolationis stantem in loco sancto" ; et ibi sequitur: "Statim post tribulationem" etc. Quaedam vero proxima, ut immutatio superiorum: "Sol obscurabitur" etc., et sequitur: "Videbant Filium hominis venientem". Quaedam vero coniuncta, ubi dicitur: "Mittet angelos suoscum tuba" etc.

Omissis igitur signis remotis et propinquis, de quibus tractabitur, cum agetur de iudicio generali, in praesenti quaeremus de signis proximis et coniunctis.