III, P. 1, Inq. 1, T. 8, Praeambulum

Inquisito de ascensione Salvatoris ad caelos, consequenter inquirendum est de adventu eius ad iudicium. Nam discipulis dictum est ab angelis, Act. 2,11: "Viri Galilaei, quidstatis aspicientes in caelum? Hic Iesus, qui assumptus est a vobisin caelum, sic veniet quemadmodum vidistis eum ascendentem", et Matth. 24, 30. "Videbitis Filium hominis venientem in virtute multa et maiestate", I Cor. 4, 5: "Nolite ante tempus iudicare, quoadusque Dominus veniat, quiet illuminabit abscondita tenebrarum et manifestabit consilia cordium". Et quantum est ad praesentem intentionem quaeruntur haec: Primo, de signis praecedentibus adventum ad iudicium; secundo, de loco et tempore iudicii; tertio, de persona venturi iudicis; quarto, de apparitione iudicis; quinto, de assistentibus iudici.