III, P. 2, Inq. 3, T. 2, S. 1, Q. 1, T. 2, D. 2, Praeambulum

Postquam inquisitum est de secundo mandato generaliter, quaerendum est specialiter de ipso quantum adiuramentum, propter illam expositionem: "Non assumas" etc.: "Id est non iurabis pro nihilo". Circa ergo iuramentum plura quaeruntur: primo, de actu iuramenti. Circa quod quaeruntur plura: Primo, an sit bonum vel malum vel indifferens; secundo, an sit licitum vel illicitum universaliter; tertio, an prohibetur iuramentum ratione affectus vel effectus; quarto, an prohibetur quantum ad consuetudinem vel quantum ad actum; quinto, cui conveniat iurare; sexto, an licitum sit iuramentum recipere; septimo, de forma ipsius iuramenti; octavo, de comitibus et obligatione iuramenti; nono, de interpretatione iuramenti.