III, P. 2, Inq. 3, T. 2, S. 1, Q. 1, T. 3, Praeambulum

Ordinis consequentia requirit quaerere de tertio Decalogi mandato, quod dicitur: "Memento ut diem sabbati sanctifices" ; et subditur ratio: "Sex diebus" etc. De distinctione autem huius praecepti a ceteris in generali dictum est prius: tamen in speciali plures dubitationes emergunt. Primo, utrum praeceptum de sabbato sit generale vel particulare; secundo, utrum morale vel caerimoniale; tertio, de circumstantiis huius praecepti; quarto, de observantibus praeceptum; quinto, utrum observantia Dominicae et aliarum festivitatum in Ecclesia iubeatur hoc praecepto.