III, P. 2, Inq. 3, T. 2, S. 1, Q. 1, T. 6, Praeambulum

Transeundum est ad sextum praeceptum, quo dicitur: "Non moechaberis". Circa quod inquirenda sunt plura: Primo, utrum sit praeceptum primae tabulae vel secundae; secundo, utrum sit praeceptum morale legis naturae vel morale disciplinae; tertio, utrum coitus maris et feminae nullo addito sit prohibitus hoc praecepto; quarto, utrum [coitus] concubinarius prohibeatur; quinto, utrum coitus fornicarius; sexto, utrum coitus incestuosus; septimo, utrum bigamia; octavo, utrum coitus coniugalis inordinatus; nono, utrum moechia mentalis incorporalis prohibeatur hoc praecepto; decimo, de comparatione huius praecepti ad alia.