III, P. 2, Inq. 4, T. 2, Q. 3, T. 3, M. 2, Praeambulum

Consequenter quaeritur de praecepto mutui sive commodationis, de quo Matth. 5, 42: "Volenti a te mutuari, ne avertaris" ; et Luc. 6, 35: "Date mutuum, nihil inde sperantes". Circa quod quaeruntur quatuor: Primum est utrum accipere aliquid praeter sortem sit prohibitum; secundo, utrum sola spes accipiendi praeter sortem faciat usurarium sive sit prohibita, tertio, utrum in aliquo casu sit licitum accipere aliquid praeter sortem; quarto, an sit malum secundum se.