III, P. 3, Inq. 1, T. 2, Q. 1, Praeambulum

Cum dictum sit superius quod gratia dicitur communiter gratia gratis data et proprie gratia gratum faciens, inquisitio, quae praecessit, versata est circa gratiam gratum facientem; nunc vero inquirendum est de gratia gratis data, quae non facit gratum, in hunc modum: Primo, an sit ponere gratiam gratis datam non facientem gratum; secundo, quid sit gratia gratis data in hac ratione; tertio, quae sint differentiae gratiae gratis datae; quarto, specialiter de gratia sermonis sapientiae et scientiae ; quinto, de gratia fidei non gratum facientis, ut est fides informis; sexto, de gratia sanitatum et miraculorum ; septimo, de gratia prophetiae; octavo, de gratia discretionis spirituum; nono, de gratiis generum linguarum et interpretationis sermonum.