Praeambulum

LIBER SECUNDUS. DE POTENTIIS ANIMAE IN COMMUNI, AC ETIAM VEGETANTIS.

Quoniam anima principium est operandi, oportet, ut aliquas potentias vendicet, per quas suas operationes exerceat, et ideo postquam dictum est de animae substantia, consequenter dicendum est de potentis illius: sed primo ingressu more nostro dicemus in communi per capita tria, in particulari vero toto reliquo libro: de hac autem re pauca habemus ab Aristotele: tetigit vero obiter lib. 2, de Anima, in cap. 3, et principio capitis quarti, sed copiosius disputatur a D. Thoma, 1 p., q. 71, et aliis in discursu citandis.