Praeambulum

LIBER QUINTUS DE POTENTIA APPETENDI TAM IN COMMUNI, QUAM IN SPECIALI, AC LOCO MOVENDI.

Quinque distinxit Aristoteles, in principio secundi libri, de Anima potentiarum animae genera, ex quibus tria sunt a nobis explicata, scilicet potentiae, vegetativae, sensitivae et intellectivae: superest, ut de potentiis appetitivis dicamus, atque adeo de potentia motiva secundum locum, quae cum appetitivis magnam affinitatem habet, de quibus idem Aristoteles indistincte egit in reliqua parte tertiide Anima, methodice vero D. Thomas, 1 part., aquaest. 80 et ultra, aliique Scholastici Christiani.