Praeambulum

LIBER SEXTUS. DE STATU ANIMAE SEPARATAE.

De his, quae ad essentiam Animae, et illius proprietates pertinent, in libris absolutis dixi: nunc superest tantum de statu, quem anima nostra habebit post recessum a corpore, quae disceptatio in sola illa locoum habet, quia sola immortalis est: de qua re Aristoteles nihil scripsit, non tamen ideo res haec aliena censenda est ab hoc tractatu, quoniam vere pertinet ad perfectam notitiam habendam de anima nostra, et ideo S. Thomas, 1 p., in fine tractationis de Anima, hanc etiam materiam disputavit, quaest. 29.