Quaestio 13

QUAESTIO XIII. Utrum omnes habitus morales sint in. voluntate ut in subiecto.

Deinde circa habitus quaerebantur duo, unum pertinens ad habitus virtuosos, scilicet utrum omnes habitus morales sint in voluntate ut in subiecto. Deinde quaerebatur secundo unum pertinens ad habitus vitiosos, scilicet de peccato originali in comparatione ad peccatum actuale, scilicet utrum peccatum originale sit maius peccatum quam peccatum actuale.

Ad primum istorum sic proceditur, et arguitur quod omnes virtutes morales sint in voluntate sicut in subiecto, quia virtus moralis est in illo sicut in subiecto in quo praecipue habent esse tristitia et delectatio, respectu quorum sunt virtutes morales praecipue. Sed in voluntate maxime habet esse delectatio et tristitia. Quare et cetera.

Contra. Temperantia et fortitudo sunt virtutes morales. Sed fortitudo ponitur in irascibilii temperantia in concupiscibilj quae sunt vires appetitus sensitivi. Unde dicit Philosophus tertio Ethicorum, quod hae virtutes sunt irrationalium partium animae et cetera. Responsio in libro magistri.