Praeambulum

SEquitur Arti. LXV. de relationibus communibus in comparatione ad sua principia: & primo in comparatione ad sua principia causatiua quae sunt vnum & multum. Secundo in comparatione ad sua principia undamentalia, quae sunt substantia, quantitas, & qualitas. Tertio in comparatione ad sua principia materialia, cuiusmodi sunt ipsa subiecta relata per huiusmodi relationes communes.

⁋ Circa primum istorum quaeruntur tria. Quorum primum est: vtrum relationes communes causentur ab vno & multo. Secundum: vtrum illae quae causantur ab vno scilicet idem, aequale, & simile: vniformiter causentur ab vno, & contraria eorum scilicet diuersum, inaequale, & dissimile a multo. Tertium: vtrum idem, aequale, & simile inter se comparata vniformi ter causentur ab vno, & econtra sua contraria a multo.