Titulus 20

Excommunicationis, suspensionis vel interdicti absolutio vel revocatio per vim extorta non tenet, et extorquens excommunicatus est ipso iure.

Ioann. Andr.

Gregorius X. in concilio generali Lugdunensi.

Absolutionis beneficium ab excommunicationis sen¬ tentia, vel quamcunque revocationem ipsius, aut suspen¬ sionis, seu etiam interdicti, per vim vel metum extorta, praesentis constitutionis auctoritate omnino viribus vacua¬ mus. Ne autem sine vindicta violentiae crescat audacia, eos, qui absolutionem seu revocationem huiusmodi vi vel metu extorserint, excommunicationis sententiae decernimus subiacere.