TITULUS XXI.

Ecclesia post quadriennium non admittitur ad petendum restitutionem contra sententiam vel contractum, nisi rationabilis aliqua causa hoc sua¬ deat. Ioann. Andr.

Gregorius IX.

Ecclesia, quae ad retractandam sententiam vel con¬ tractum per beneficium restitutionis in integrum postulat se admitti, si quadriennii spatium post sit lapsum, et negligenter omiserit, non est ad beneficium huiusmodi ad¬ mittenda, nisi praevaricationis vel fraudis manifeste pro¬ betur super hoc intervenisse commentum, aut alia ratio¬ nabilis causa subsit, quae superiorem movere debeat ad idem beneficium concedendum.

Ecclesia contra confessionem, qua laesa fuit, admittitur infra quadrien¬ nium per beneficium restitutionis in integrum, postea non, nisi per viam iuris communis. Ioann. Andr.

Bonifacius VIII.

Si adversus confessionem in iudicio a se factam laesa ecclesia beneficium restitutionis in integrum infra quadrien¬ nium, ab ipsius confessionis tempore computandum, petere negligenteromittat: non est, nisi aliquid rationabile appareat, quod aliud suaserit faciendum, ad hoc petendum ulterius admittenda. Ubi vero per viam communem revocationis erroris, quem in facto praetendit, vult adversus suam con¬ fessionem ecclesia se iuvare: hoc quandocunque poterit, donec negotium sit finitum.