Titulus 6

Capitulum sede vacante licet beneficia ad episcopi collationem spectantia conferre non possit, tamen ad illa praesentatos instituere potest. H. d, Zenz.

Bonifacius VIII.

Etsi capitulam sede vacante beneficia, quae ad collationem episcopi pertinent, conferre non possit: praesen- tatos tamen a patronis potest admittere, si sint idonei, et eos instituere in beneficiis, ad quae fuerint praesentati, licet ad episcopum, si superesset, admissio et institutio huiusmodi pertineret.

Non repellit praesentatum defectus sacrorum ordinum. H. d. Zenz.

Idem in eodem *.

Si is, ad quem rectoris praesentatio in aliqua parochiali ecclesia noscitur pertinere, quempiam non constitutum in sacris praesentet ad eam: ipsum, dummodo alias sit idoneus, et infra tempus a iure statutum ad ordines, quos ipsius ecclesiae cura requirit, valeat promoveri, decernimus admittendum.