Conceptio Christi, est miraculosa humanae naturae Christi productio a Spiritu Sancto, qui virtute & potentia sua divina corpus quidem Christi ex praepatato, sanctificato, & foecundato sanguine Virginis MARIAE sine virili semine, in utero ipsius statim omnibus partibus integrum formavit, animam vero simule nihilo creatam corpori infudit, ita ut in ipso conceptionis articulo perfecta fuerit: humana Christi natura, corpore & anima rationali perfecte sibi in vicem unitis constans.

Quod humana natura Christi sit producta mitaculosa operatione Spiritus Sancti, tanquam principali causa efficiente, confirma primo testimonium Angeli Gabrielis, qui Virgini MARIAE, cui annunciaverat jussu Dei, ex ipsa Messiam Patribus promissum nasciturum, de modo conceptionis interroganti respondit Luc. 1. 35. Spiritus Sanctus superveniet in te & virtus Altissimi inumbrabit tepropterea id etiam quod nascetur ex te sanctum, vocabitur Filius Dei. Confirmat deinde testimonium Evangelistae Matthaei qui primo capite, vers. 18, ait: quod Maria mater Christi, quum desponsata sset Iosepho, priusquam ipsi convenissent, comperta sit praegnans esse e Spiritu Sancto. Confirmat testimonium Angeli, Josepho viro Mariae dicentis, eodem primo capite Matth. v. 20. Iosephe fili Davidis ne metue accipere Mariam uxorem tuam. Nam quod in ea genitum est, ex Spiritu Sancto est. Ergo sicut in Symbolo Apostolico profite mur, Jesus Christus Dominus noster conceptus est de Spiritu Sancti nimirum, tanquam causa efficiente & creatore humanae Christi naturae, non autem ex essentia Spiritus Sancti: alioquin Christus haperet corpus, non vere humanum, sed spirituale, imo nullum. Conceptus est α δα συνεσίας, αλλα δα δυναμεως, non per concubitum, sed per virtutem Spiritus Sancti, per quam Maria praegnans reddita. fuit, ut loquitur Iustinus Martyr Apologia secunda pro Christianis Conceptus est de Spiritu Sancto non σωομαιικώς, sed δημικργικώς, id est, non per semen, sed per creationem: Et ut Augustinus sermone sexto de Tempore ait: Conceptus est non de substantia Spiritus Sancti, sed de potentia; nec generatione, sed iussione & benedictione.

Ideo autem conceptus est de Spiritu Sancto, ut ejus sanctitate in issumta carne ad plenum perfusus, ipsam ad nos transfunderet,

Si causam efficientem propter quam spectes, Beata Virgo Maria Deum hominem factum & concipere & parere, non humanis meritis, sed concepti nascentisque ex ea summi Dei dignatione prome ruit, ut scribit B. Fulgentius libro de Incarnatione & Gratia Domini nostri Jesu Christi, capite septimo

Materia e qua corpus Christi conceptum est, fuit sanguis Mariae Virginis, a Spiritu Sancto praepatatus, sanctificatus & foecundatus absque virili semines

Per sanguinem intelligimus semen mulieris seu Virginis Mariae; quid enim aliud est semen, quam sanguis elaboratus ad generationem? Nam Christus propterea dicitur fructus ventris seu uteri Mariae. Luc. 1. vers. 42. Jam hinc colligimus, si corpus Christi formatum est ex semine Virginis Mariae, non est ergo e coelo delatum in utert Virginis Mariae, sed ex substantia Virginis sumtum. Valentiniani, Marcionitae, & alii haeretici, opponunt dicta aliquot, veluti Joh. 3. v. 13. Nullus adscendit in coelum, nisi qui descendit e coelo, Filius hominis qui est in coelo. Et v. 31. Qui superne venit supra omnes est: qui e terra est, terrenus est, & terrena loquitur: qui e coelo venit, supra omnes est. Et Joha. 3. v. 23. Vos inferne estis, ego sum superne: vos ex hoc mundo estis, ego non sum ex hoc mundo. I. Corinth. 15. v. 47. Secundus homo ipse Dominus e coelo: unde versibus sequentibus coelestis appellatur: Ex his dictis concludunt, carnem Christi originem habuisa se e coelis, & non ex semine Virginis Mariae

RESPON. Nullum istorum dictorum docet; Christum corpus e coelo attulisse, sed omnia loquuntur de persona Christi per communicationem idiomatum, & docent quod Filius Dei descenderit de coelo non loci mutatione, sed voluntaria sui exinanitione ad formam servi accipiendam: & quod conceptus sit coelesti modo, coelesti operatione Spiritus Sancti, non autem terrena generatione. Ita quod ad personam Filii Dei & coelestem spiritualemque modum conceptionis ipsius de Spiritus Sancto pertinet, ipsi ad substantiam carnis Christi referunt.

INSTANT: Secundum quam naturam Christus adscendit in coelum, secundum eandem descenderat prius: At secundum humanam naturam adscendit in coelum: Ergo secundum humanam prius descenderat de coelo. Majorem probare conantur testimonio Pauli Apostoli Ephes. 4. v. 9, 10. Caeterum illud Adscendit, quid est, nisi quod etiam descenderat prius in infimas partes terra? Qui descenderat, ipse est qui etiam adscendit longe supra omnes coelos, ut impleret omnia

RESPON. Primo major propositio negatur: Deinde, ea non potest probari ex testimonio Apostoli Pauli, quo nihil aliud docetur, quam ideo Christum exaltatum, quia antea se exinaniverat forma aervi accepta, ut Paulus se declarat Philip. 2.

Praepatatio materiae non fuit facta in instanti: quia sanguinem portuit deduci ad locum conceptionis, ad quam tem opus fuit motu. Motus autem nullus fit in instanti. Fuit tamen brevi temporis spatio praepatata materia

Eadem materia fuit per Spiritum Sanctum sanctificata: quia ante sanctificationem fuerat obnoxia & infecta peccato, sanctificata autem per Spiritum Sanctum, nullam labem, nullam culpam dein ceps habuit nullamque habitura est in sempiternum; sed sanctitate perfusa absque mensura, sanctissimum instrumentum facta fuit animae Christi & Deitatis ipsius,

Aprimo conceptionis momento sanctificatus fuit Christus, ut exaetate qualibet sine discrimine electos suos in seipso sanctificaret:

Foecundata fuit eadem materia, ut conciperet & praegnans fieret Maria: Sed foecundata fuit miraculoso & novo prorsus modo, nempe, dum Maria concepit absque virili semine. Nam ordinaria ac natur ralis conceptio, est seminis virilis & muliebris in utero permisti vivificatio ad formandum foetum, orta a proprietate uteri materni. In conceptione enim ordinaria ac naturali semen virile necessario res quiritur, in quo vis procreatrix inprimis residet. At Maria concepit novo & miraculoso modo absque virili semine. Miraculosum fuit quod Sara Abrahami uxor jam effoeta senio, tamen concepit Isaacum, & Elizabetha Johannem Baptistam; ideo utriusque praedictio peculiariter praedicta fuit divinitus; neutra tamen conceptio facta est sine virili semine: sed multo majus mitaculum est, quod Maria absque virili semine concepit.

Ideo singularis haec conceptio singulariter aliquoties a Deo praedicta fuit, primo in Paradiso quum, Genes. 3. vers. 15. promissum fuit Semen mulieris contriturum caput antiqui serpentis:

Deinde, per Jacobum Patriarcham Genes. 49. vers. 10. ubi Christus nominatur Schiloh, id est, filius secundarum ejus: non autem filius limborum ejus: nam secundae sunt a natura mulieris, & non viris

Tertio per Jesaiam in hoc vaticinio, Ecce Virgo illa concipiet, Jesa7. vers. 14.

Quarto, per lapidem de monte excisum sine ullis manibus, sine opere humano, Dan. 2. per eum enim significatum est, Christum deVirgine sine amplexu maritali exoriturum

Denique per Angelum Gabrielem Luc. 1. 31. Et ecce concipies iutero.

Concipi autem Christus debuit sine virili semine, ex solo semineseu sanguine purissimo Virginis Mariae, propter sequentes causas:

I. Ut certum esset ipsum esse vere Regem illum Messiam, a Dei Patribus promissum. Nam quem Virgo concepit sine virili semines is est Rex ille Messias Patribus promissus.

II. Ut manifestum esset, ipsum non hominem tantum, sed etiam verum Deum esse natura in una persona. Sicut mater ejus est Virgo, sine patre terreno. ita Pater ejus est Deus sine matre: natura enim non patitur, ut unius personae sint plures Patres. Ideo solus Christus conceptus est homo sine virili semine, quia solus etiam in ter homines est Deus, sicut solus inter tres personas Deitatis factu est homo,

III. Ut homo fieret expers omnis peccati, qui peccatum auferre debebat. Nam omnes illi qui ex semine viri concipiuntur, in peccatis concipiuntur, secundum illud Pauli ad Rom. cap. 5. v. 12. Sicut per unum hominem peccatum in mundum introiit, ac per peccatum mors: & ita in omnes homines mors pervasit in quo omnes peccarunt. Proinde nullus est hominum, qui non peccati originalis vinculo nascatur obstrictus, praeter eum, qui ad hoc vinculum peccati solvendum, novo modo conceptus & homo factus est, Mediator Dei & hominum homo Christus Jesus. Quae Deo dignior secundum carnem generatio, quam ut immaculatus Dei Filius, immaculatae generationis servaret etiam in suscipiendo corpore puritatem

Unde sic colligimus: Quicunque sine virili semine conceptus est, absque peccato originali est conceptus: Christus Jesus, isque solus sine virili semine conceptus est: Ergo Christus Jesus, isque solus absque peccato originali est conceptur

OSIICITUR: Christus assumsit semen Abrahami, Hebr. 2. v. 16. est filius Davidis & filius Abrahami Matth. 1. v. 1. & filius Adami Luc. 3. Ergo est conceptus de virili semine.

RESPON. Distinguendum est antecedens: Christus assumsit se men Abrahae & est filius Abrahami, & filius Davidis, & filius Adami, quoad substantiam humanam, sed non quoad modum communicationis substantiae humanae

Corpus autem Christi ut sine virili semine conceptum fuit: ita etiam successivae formationis legem non servavit. Nam in aliorum hominum generatione, naturae vi paulatim corpus effingitur qua draginta aut etiam plurium dierum spatio (nam formationis certum ac definitum tempus non est;)at Christi corpus divina Spiritus Sancti virtute & operatione statim partibus omnibus perfectum formatum momentoque absolutum fuit. Tum nec anima rationalis die demum quadragesimo creata atque infusa est corpori Christi, sed eodem momento in & cum corpore a Spiritu Sancto ex nihilo creata. & corpori unita est. Ita corpus Christi in ipso conceptionis articulo statim omnibus membris perfectum, & animatum, seu anima rationali praeditum conceptum est, & hoc praeter aliorum hominum consuetudinem

Rationes quibus hoc confirmamus certae sunt: I. Quicunque est homo factus absque virili semine, solam opera tione Spiritus Sancti tanquam Creatoris; ille statim atque exsistere coepit, corpus uno momento perfectum & animatum habuerit necesse est:

Filius Dei & homo factus absque virili semine, solam operatione Spiritus Sancti tanquam Creatoris:

Ergo statim atque exsistere coepit, corpus uno momento perfectum & animatum habuerit necesse est.

Propositionem majorem probant exempla Adami & Evae: & postulat omnipotens virtus Creatoris.

II. Qui uno momento caro factus est, id est, verus homo; ejus corpus statim partibus omnibus perfectum & animatum fuit:

Filius Dei uno momento caro factus est, Joha. 1. v. 14. id est, verus homo: non enim primum embryo, & deinde corpus informe atque animae expers ac postea demum homo:

Ergo, &c. III. Qui ὑσυςμσις factus est verae & perfectae humanitati, ejus corpus statim perfectum & animatum esse oportuit, quum hypostasi unitum est,

Sermo ille ὑποςαης factus est verae & perfectae humanitati: Ergo, &c. IV. Filius Dei per animam sibi univit corpus: Ergo habuit in ipso conceptionis articulo corpus perfectum & animatum. Consequentia est necessaria, quia anima oportuit unitam esse corpori, cum λόγος sibi univit corpus anima autem non potuit uniri corpo¬ ri nisi omnibus membris perfecto; anima enim est ἐυελέχειαᾳ corpo¬

tis physici, organici, id est, quod omnibus necessariis organis & membris constat.

V. Qui est fons & origo omnium perfectionum & formarum. omnium perfectissimarum, eum consentaneum est perfectam & forma sua praeditam naturam assumsisse

At Filius Dei est fons & origo omnium perfectionum & forma. cum omnium perfectissimarum:

Ergo perfectam & forma humanam constantem naturam humanam assumsit.

Sic declavata est definitio conceptionis Christi. Finis primus conceptionis Christi sanctae de Spiritu Sancto, est ut sua innocentia ac perfecta sanctitate in qua conceptus est, nostram impuram conceptionem tegeret coram Deo, dum sancta conceptione sua satisfecit Legi Dei nostro loco qui sancte & sine peccato concipi debuimus. Unde legitur tertio tomo Operum Augustini, libro de Fide ad Petrum Diaconum, cap. 2. Dei ergo Filius unigenitus quiest in sinu Patris, ut carnem hominis animamque mundaret susceptione carnis atque animae rationalis, incarnatus est: & qui est Deus veeus, homo verus factus est, non ut alter Deus esset, alter homo, sed ide Deus, idem homo. Qui ut illud peccatum quod in concubita mortalis carnis generatio humana contraxit, auferret, conceptus est novo more, Deus incarnatus in matre Virgine, sine coitu viri, sine libidine concipientis Virginis: ut per Deum hominem, quem absque libidine conceptum, inviolatus edidit Virginis uterus, ablueretur peccatum. quod nascentes trahunt omnes homines: quibus in corpore mortis hujus talis est nascendi conditio, ut matres eorum foecunditatis opus implere non possint, nisi prius virginitatem carnis amiserint. Solus igitur abstulit peccatum conceptionis atque nativitatis humanae Deus unigenitus: qui dum conciperetur, veritatem carnis accepit ex Virgine, & quum nasceretur, integritatem Virginitatis servavit in matre. Ista causa est, qua Deus factus est filius Virginis Mariae, & Maria Virgo facta est mater unigeniti Dei: ut quem Pater genuit. ex aeternitate, ipsum Virgo conceptum proferret in tempore. Illa utique est Virgo, quam Deus qui de ea fuerat nasciturus ita singulari gratia, praevenit atque replevit, ut ipsum haberet ventris sui fructum, quem ex initio habuit universitas dominum: & ipsum sibi videret nascendi solennitate subditum, quem in unitate paternae substantiae, non solum humana, sed etiam angelica creatura cognoscit & adorat altissimum. Sic ergo peccatum & poena peccati, quae per scelus corrupto mulieris intravit in mundum, per inviolatae Virginis partum aufertur a mundo.

Quapropter innocentia & sanctitas inde a prima origine & momento conceptionis naturae humanae Christi inhaerens, pars est & quidem prima justitiae Christi quae nobis imputatur a Deo Patre. Idque sequentibus argumentis ostendo

PRIMUM: Obedientiae illius perfectae quam Lex Dei a nobis requirit: pars est innocentia & sanctitas inde a prima origine & momen to conteptionis naturae humanae inhaerens:

Justitia Christi quae nobis a Deo Patre imputatur, est obedientia illa perfecta, quam Lex Dei a nobis requirit:

Justitiae ergo Christi quae nobis a Patre imputatur, pars est innocentia & sanctitas inde a prima origine & momento conceptionis naturae humanae inhaerens.

Propositio major initio declavanda est, deinde confirmanda. Obelientia Legis proprie non est actus secundus, sed actus primus, nimirum habitus internus, a quo actus secundi tum interni tum externi promanant. Metonymice autem actus secundus obedientia nominatur; sicut virtus proprie est habitus, metonymice autem actio abhabitu illo promanans. Qui ergo contendunt, obedientiam tantum actionem esse, falsum asseverant: nam obedientia non est tantum a ctio. Quum vero actio dicitur, non propria, sed metonymica fit loquutione. Itaque obedientia perfecta, quam Lex requirit, non est tantum actio, sed etiam conformitas totius naturae & omnium actionum affectuum passionumque cum Lege Dei. Sic declarata est major.

Eandem confirmamus ex contrariorum oppositione: Si obedie tiae quae pugnat cum Lege Dei, pars & quidem prima est peccatum originale, id est, carentia justitiae originalis & corruptio naturae humanae totius, tum certe obedientiae illius perfectae quam Lex Dei a nobis requirit, pars est innocentia & sanctitas inde a prima origine & momento conceptionis naturae humanae inhaerens. Lex enim Dei, prohibet non tantum peccata actualia, sed etiam originale, ex quo tanquam ex fonte actualia prossuunt, aut potius proruunt

Assumtio probatur testimoniis Christi & Apostolorum. Christus ait Matth. 5. v. 17. Ne existimate me venisse ut dissolvam Legem aut. Prophetas: non veni ut eam dissolvam sed ut eam impleam. Aposto lus Paulus inquit Rom. 5. 19. Sicut per inobedientiam unius hominis peccatores constituti sunt multi:ita per obedientiam unius, justi constituentur multi. Et c. 10. 4. Finis legis est Christus, ad justitiam cuivis credenti. Gal. 4. v. 4, 5. Postquam venit complementum temporis. misit Deus Filium suum factum ex muliere, factum Legi subjectum: Vt eos qui Legi erant subjecti redimeret, ut adoptionem acciperemus. SECUNDUM: Qui ex quo induit formam servi, coepit ad nos redimendos pretium liberationis solvere, ejus innocentia & sanctita; nativa est certe pars justitiae quae nobis a Deo imputatur:

Christus Jesus ex quo induit formam servi, coepit ad nos redimendos pretium redemtionis solvere: Ergo, &c.

Propositio per se plana est: Assumtionem probamus testimonio Pauli Hebr. 10. vers. 5. & sequentibus: Quapropter ingrediens mundum dicit, Sacrificium & oblationem noluisti, corpus autem adaptasti mihi, Holocautomata & bostiam pro peccato non approbasti. Tunc dixi; Ecce adsum, (in capite libri scriptum est de me) ut faciam, Deus, uoluntatem tuam,

Secundus finis conceptionis Christi de Spiritu Sancto est, ut indivis regenerationis nostrae spiritualis promanaret. Nam per eundem Spiritum per quem Christus conceptus est, etiam nos, qui per concupiscentiam carnis sumus geniti, spirituali iterum origine nascimur. Propterea ab Evangelista de credentibus dicitur Joh. 1. v. 13. Qui non ex sanguine, neque ex libidine carnis, neque ex libidine viri, sed ex Deo geniti sunt.

Tantum de fine conceptionis Christi. Conceptus est Nazarethae, ut praedictum erat Jesa. 11. v. 1. Nam prodibit virgula e trunco succiso Iischai, & surculus e radicibus ejus efflorescet. Et cap. 60. v. 21. Et populares tui quotquot erunt justi inseculum haereditario jure possidebunt terram; ut surculus plantarum ejus, opere manuum mearum glorietur. Zach. 6. v. 12. Ecce virum cujus nomen est GERMEN, qui e loco suo germinabit, & aedificabit templum Iehovae. Quemadmodum & ibidem postea educatus: unde recte Nazarenus dictus, Matth. 2. v. 23. Idque ut sciremus ipsum est. virgulam illam e trunco succiso Jischai prodeuntem, & surculum e radicibus ejus efflorescentem, Jesa. 11. v. 1.

Tantum de conceptione Christi.

PrevBack to TopNext

On this page

Caput 14