Caput 52

CAPUT LII In quo de justitia distributiva in genere.

YNsocietate justitia particularis est, tum distributiva, tum commutativa.

JUSTITIA distributiva, est quae versatur in distributione officiorum, honorum, praemiorum, poenatum, ut unicuique consentanea pro conditione, statu & dignitate cujusque praestentur. δικανοσμθη δα¬ νεμιιικη. Ro. 13. v. 7. Cui honorem, honorem, cui tributum, tributum Rom. 12. v. 10. Sic justitia distributiva requirit, ut cuique justus & debitus locus assignetur: ut Josephus Patriarcha, quum fratres suos convivio exciperet, pro aetate cujusque loca illis designavit, Genes. 44. 33.

Eaque est Primo vel erga alios, vel erga nos ipsos. Proprie quidem est erga alios: metaphorice & secundum similitudinem quandam en ga nos ipsos.

Secundo justitia distributiva, vel remunerans est, vel puniens. Iustitia remunerans, est justitia distributiva, per quam recte factis debita praemia redduntur, ut virtutum studium alatur augeaturque.

Iustitia puniens, est justitia distributiva, per quam male factis debita poena irrogatur, ut vitia magis magisque coerceantur & eradicentur.

Tertio justitia distributiva vel Oeconomica est, vel politicat Iustitia Oeconomica, est quae in societate domestica officiorum oeconomicorum praestatione & communicatione exerceri debet, ac familiae honestam conservationem.

Haec sita est in sanctitate conjugij, & cura rei familiaris.