Caput 16

CAPUT XVI In quo de charitate erga posteros mortuorum.

CHARITAS erga posteros & propinquos mortuorum, est quum ob charitatem quam complexi fuimus viventes & retinemu. erga mortuos, benevolentiam & officia utilia ac necessara exhibemus etiam posteris & propinquis illorum superstitibus. Ea enim est verae charitatis natura, ut morte ejus quem diligimus non abrumpatur, sed veluti haereditatio jure ad posteros & propinquosejus continuetur.

Ita David declaravit charitatem suam erga Jonathanem, post mortem ejus benefaciendo Mephiboscheto filio Jonathanis. Sic fideles ob amorem in defunctum, convivia exhibebant, vel cibos mittebant posteris defuncti ad eos consolandos, Jerem. 16. 7. Ezech. 24. 17. Tobi. 4. 18. Nam qui mortuorum necessariis benefacit, mortuis ipsis dicitur benefacere