Mens

MEns. Iste terminus secundum Guil. in i. est di. iii per l. q. iii. tripliciter dicitur. Uno modo a metior metiris: et sic potentia excogitatiua dicitur mens: quia plura metitur et colligit. et sic accipit Damasce. ii. sententiarum. Dum ponit mentem intentionem et fronesim. Unde dic quod fronesis dilatata fatum excogitationem

¶ Sed Catholi. dicit. quod fro nos grece dicitur prudens latine. et fronesis prudentia. Inde fronitus id est prudens. et infronitus id est insipiens insulsus. Ideo Ecci. c. xiii. Sapiens dicit. Animo irreuerenti et infronito ne tradas me domine. Secundo modo mens capitur proportione supiori anime id est eleuate ad superna. Isto modo mens dicitur ab eminendo. et sic capitur cum dicitur. quod in mente seu intelligentia consistit imago trinitatis divine. Unde vt sic mens accipitur pro ipsa anima rationali.

¶ Tertio modo capitur prout mens dicitur a meminisse: et sic respondet memorie. Unde Augustinus sic loquitur. ix. de tri ni. dicit quod in his tribus videlicet mente id est memoria: et noticia et amore consistit imago trinitatis. Hec Guill.

¶ Quomodo autem in mente consistat imago trinitatis. Uide. c. Imago. et c. Actus animae.