Asserere aliquid de deo

ASserere aliquid de deo. Queritur de hoc vtrum liceat aliquid quod non est nobis certum de deo asserere. Respondetur breviter quod secundum quod habetur in compendio veri. theolo. Primo aliquid asseritur de deo per Synderesim id est per naturalem rationem que dictat quod vnus est deus remunerator bonorum et punitor malorum. Secundo per fidem qua dicimus deum esse vnum in sub stantia et trinum in personis. Tertio per sacram scripturam. Quarto per rationes probabiles. Quinto per exteriorem predicationem. Sed istis duobus vltimis modis non est innitendum nisi firmitatem habeamus ab aliquo trium predictorum. Unde pro regula tenendum est quod Quicumque asserit aliquid de deo quod non est sibi certum per naturalem rationem: nec per fidem nec per sacram scripturam. talis presumit et peccat.

¶ Ad idem vbi Opinio. §. i. et sequentibus etc.